e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Gelnhausen, Siegfried von Genatsch, Gieri [Jörg Jenatsch]  Gelyto, Peter * enturn il 1320/30 a Niederjohnsdorf (sper Landskron, Boemia, oz Lanskroun, Tschechia), † 12-2-1387 ad Olmütz (Moravia, oz Olomouc, Tschechia), □ a Landskron. G., numnà era Wurst u Jelito, è descendì d'ina fam. da purs u da la noblezza bassa da la Boemia ed è creschì si en l'Ungaria. Studis en l'Italia. Uvestg da Cuira 1356-68. Savens absent da Cuira en servetsch da l'imperatur Carl IV, dal qual el ha obtegnì blers privilegis. En la questiun da la fortezza da Fürstenburg è el sa reconcilià cun il marches Ludwig von Brandenburg. Il 1358 ha G. conclus in'allianza cun ils ducas d'Austria, als quals el ha cedì il 1360 per otg onns il domini secular sur l'uvestgieu per ina pensiun annuala da 1'000 flurins. En reacziun è sa constituida la LCD (1367) ch'ha pretendì per ses represchentants in dretg da surveglianza sur l'admin. da l'uvestgieu. Da Prag ha G. nominà il 1367 ils conts de Toggenburg sco curaturs per tschintg onns. G. è stà uvestg da la diocesa boema da Leitomischl dal 1368-71 ed archuvestg da Magdeburg dal 1371-81. Il 1371 ha el fundà il convent augustinian da Landskron ed a partir dal 1381 è el stà uvestg dad Olmütz. Litteratura: HS I/1, 484 s.; Gatz, Bischöfe, 1198, 514 s.; NDB 20, 221 s. Veronika Feller-Vest  Gelnhausen, Siegfried von Genatsch, Gieri [Jörg Jenatsch]  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: