e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Giacometti, Bruno Giacometti, Giovanni  Giacometti, Diego * 15-11-1902 a Borgonovo, † 15-7-1985 a Neuilly-sur-Seine, ref., da Stampa. Figl da Giovanni. Frar dad Alberto e Bruno. Nubil. Scolas a Stampa, Aschera, S. Gagl e Basilea, alura furmaziun commerziala. Domicil a Basilea fin il 1920. Emploià commerzial en Svizra ed a l'ester, alura domicilià a Paris a partir dal 1925. Il 1927 è G. daventà il collavuratur il pli stretg da ses frar Alberto; per quel ha el realisà las armadiras da sculpturas, fatg copias en gip sco era la patina per las figuras da bronz ed è stà model. A partir dal 1950 ha el creà mobiglias ed objects (tr.a. sculpturas d'animals) per incumbensa d'architects d'interiurs, collecziunaders d'art e galarists. Suenter la mort d'Alberto (1966), è G. sa concentrà sin sia atgna ovra ed ha stgaffì var 5'000 objects. L'ultima incumbensa pli gronda è stada d'equipar l'interiur dal Museum Picasso a Paris. Archiv: Musée Picasso e Musée des arts décoratifs, Paris. Litteratura: BLSK, 396 s.; F. Baudot, Diego G., 2002. Elisabeth Ellenberger  Giacometti, Bruno Giacometti, Giovanni  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: