e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Federalissem Federaziun grischuna dals funcziunaris da polizia  Federaziun Ils terms federaziun (era stadi federativ; tud. Staatenbund) e stadi fed. (tud. Bundesstaat) èn entrads en diever en Germania a l'entsch. dal 19. tschientaner. Tenor l'interpretaziun generala sa distinguan ils dus tips da stadis sco suonda: la federaziun sa basa sin in contract che pretenda, per pudair vegnir midà, l'unanimitad da ses comm., entant ch'il stadi fed. sa basa sin ina constituziun che po vegnir revedida cun ina maioritad da vuschs qualifitgada. La federaziun n'ha, sco collectiv, nagina qualitad statala e na po betg relaschar en atgna autonomia leschas cun in impegn direct per il singul. Ils passadis tr. ina federaziun ed in stadi fed. èn dentant fluctuants. La Republica da las Trais Lias d'avant il 1798 e la Svizra fundada suenter il 1848 èn stadis federals. Contestada en la litteratura davart il dretg statal è l'attribuziun da la Svizra ad in dals dus tips da stadi tr. il 1815 ed il 1848.    Litteratura: M. Kopp, Die Geltung des Mehrheitsprinzips in eidgenössischen Angelegenheiten vom 13. Jahrhundert bis 1848 in seiner Bedeutung für die alte Eidgenossenschaft, 1959; A. Kölz, Neuere schweizerische Verfassungsgeschichte, 2 ts, 1992-2004; HLS 3, 19-26. Adolf Collenberg  Federalissem Federaziun grischuna dals funcziunaris da polizia  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: