Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents FerreraFetz, Balz lemma sequent

Festa naziunala
La festa naz. sa referescha al Patg fed. dal 1291, ella è però vegnida celebrada per l'emprima giada pir il 1891. L'istorissem, resultà da l'entusiassem per la modernisaziun dal 19. tsch. cun l'intent da stabilir a medem temp ina distanza e vischinanza, ha sveglià in basegn per giubileums istorics. L'emprim èn ins sa reguardà da las guerras e da las adesiuns a la Confederaziun. Curt avant il 1891 è alura naschida l'idea da festivar il 600. anniversari da la Confederaziun. Il 1891 è la festa naz. vegnida commemorada sco festa centenara, senza prender en egl ina repetiziun annuala. L'introducziun da la festa annuala è succedida pir il 1899. Intimà surtut era da las colonias svizras a l'exteriur, che vulevan medemamain introducir ina spezia da "Quatorze Juillet", ha il Cussegl fed. cusseglià ils chantuns da laschar sunar ils zains la saira dal 1. d'avust. Auters elements centrals èn alura daventads ils fieus al liber en las vals e sin ils auts e las allocuziuns festivas, pli tard ils lampiuns e pli e pli era ils fieus artifizials. A l'entschatta era la festa naz. in lavurdi ordinari, alura han plirs chantuns declerà il 1. d'avust sco di da festa parzial u general. En vista a l'onn da giubileum 1991 han ils Democrats svizzers lantschà in'iniziativa populara. Cun la votaziun dals 26-9-1993, acceptada cun 83,8% da las vuschs, è il 1. d'avust vegnì declerà sco di da festa naz. per l'entira Svizra.


Litteratura:
G. Kreis, Der Mythos von 1291, 1991; A. Saurma, Das Bild der Schweiz in den Bundesfeierbetrachtungen seit 1945, 1991; C.M. Merki, Und wieder lodern die Höhenfeuer, 1995.

Georg Kreis

lemma precedents FerreraFetz, Balz lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: