e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Barbieri, Giulio Barblan  Barbisch [Barbisius], Gion Gieri * 6-10-1641 a Bludenz (Vorarlberg), † 1687 a Cumbel, cat., da Bludenz. Figl da Thomas, cuntschapels a Feldkirch, e da Maria n. Gundalatsch. ∞ Katharina n. Hederlin, da Lucerna. Furmaziun al tipograf e liacudeschs. Tipograf ambulant e piunier en la stampa da cudeschs rumantschs. Activ a Feldkirch 1666-72, a Cuira (citad) ed a la curt episcopala 1672-80 (cun interrupziuns), a La Punt/Rehanau 1676, Panaduz 1680-83 (maister d'emprendissadi da Peter Maron), Cumbel 1685-87 e Luven 1686. Stampats principals: Gion Antoni Calvenzano, «In cuort mussament» (1668); Fortunat Sprecher, «Rhetische Cronica»  (1672), l'emprim cudesch stampà en il Grischun tud.; Balzer Alig, «Enzaco[n]tas canzuns spiritualas» ed «Epistolas ad evangelis» (omaduas 1674); Augustin Wendenzen, «La vita de Nies Segner Jesus nies spindrader» e «Memorial della passiun de N.S.» (omaduas 1675); Zacharias da Salò, «La glisch sin il candelier invidada» (1685-87). Litteratura: Bornatico, L’arte tipografica, 100-03; N. Schnetzer, Zur Buchdruckgeschichte Feldkirchs im 17. und 18. Jahrhundert, en: Rheticus, 30/2008, nr 1, 57-81. Adolf Collenberg  Barbieri, Giulio Barblan  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: