e-LIR / Lexicon
Assistenza e-LIR
Contact
Publicaziun
Sponsurs
|
Lexicon Istoric Retic (LIR)
A B C D E F G H I J K L M N O P Q R S T U V W X Y Z
Barblan, Gudench
* 28-1-1860 a Vnà, † 5-10-1916 a Scuol, ref., da Ramosch. Figl da Jon, pur, e d'Anna n. Thun. ∞ Anna n. Poo, da Ramosch. Scolas a Vnà e Ramosch, alura Seminari scolastic a Cuira. Magister en l'Engiadina 1880-98 ed al Plantahof a Landquart 1898-1914. Merits spez. sco redactur e referent en favur da metodas agriculas modernas. Autur da cudeschs da scola lad., collectader ed editur da litteratura populara. B. ha scrit poesias e raquints populars, rimnà paraulas, legendas e mits. Sco fervent chantadur e dirigent da chor ha el era redigì plirs texts da chanzuns. Sia «Chara lingua da la mamma», intunada da Robert Cantieni, è daventada famusa lunsch sur ils cunfins da la Rumantschia ora.
Ovras:
Poesias ladinas, 1908; Parablas, mitos religius, mitos eroics, legendas e da tuotta sort requints populars in Engiadina bassa, 1909.
Litteratura:
Bezzola, Litteratura, 405 s.
Lucia Walther
© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.
| | |
Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail:
|
|
Barblan