Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Guler, PeterGustloff, Wilhelm lemma sequent

Guscha
Culegna gualsra en la vischn. da Maiavilla, situada a 1115 m sin la spunda 400 m sur il Pass da S. Gliezi. Numnà oriundamain era Mutzen, ha G. fatg part cun Stürfis, Vatscherinenberg, Bovel e Rofels a l'anteriur vischinadi da Gualsers Berg. Attestà il 1366. Grondas perditas tras la pestilenza, guerras ed incendis. Durant il 18. tsch. quintava G. fin 140 abitants. Il 1897 è la culegna vegnida incorporada en la citad da Maiavilla. Il 1969 ha la Confed. cumprà ella per gudagnar terren per la plazza da tir al Pass da S. Gliezi, stgatschond las duas davosas fam. da G. A G. duai sa chattar la tegia d'alp che furma il lieu d'acziun da «Heidi» da Johanna Spyri. Dapi il 1974 tgira la Societad Pro G. l'ierta culturala da quest'ultima culegna gualsra da Maiavilla.


Litteratura:
R. Balzer, G., die letzte Maienfelder Walsersiedlung, en: JberWV GR, 1969, 38-47; J. Fulda, Die Beziehungen zwischen G. und Maienfeld, en: Terra plana, 4/1984, 32-36; M. Kuoni, Das Dörfchen G., eine ehemalige Walsersiedlung, en: Terra plana, 2/2008, 30-35.

Adolf Collenberg

lemma precedents Guler, PeterGustloff, Wilhelm lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: