Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Guidon, JonGuisan, Henri lemma sequent

Guiot, Florent
* 27-7-1755 a Semur-en-Auxois (Burgogna), † 1834, oriund d'ina fam. da magistrats da la Burgogna. Advocat a Semur, giacubin, comm. dals Etats généraux, cumissari guvernamental en l'Armada dal nord. Resident franz. en il Stadi da las Trais Lias favr. 1798 - avr. 1799. G. è s'engaschà l'emprim en favur d'in Grischun neutral, alura ha el promovì cun resolutezza l'uniun da quel cun la Republica helvetica. El è s'opponì ad ina intervenziun militara da la Frantscha fin l'oct. 1798, cura che las truppas austr. èn entradas en il Grischun; quellas èn alura vegnidas rebattidas dals Franzos il mars 1799. Delegà en ils Pajais Bass ed exilià il 1815. Il 1798 ha G. scrit per mauns da la Biblioteca naz. a Paris in rapport remartgabel davart la lingua retica, numnada solitamain "romansch".


Litteratura:
A. Rufer, Das Ende des Freistaates der Drei Bünde, 1965.

Jürg Simonett

lemma precedents Guidon, JonGuisan, Henri lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :