Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents GulaGuler lemma sequent

Guler , Johann Peter (von Wyneck)
* 1594, † 8/18-1-1656 Cuira, ref., da Tavau e Cuira. Figl da Johannes e dad Elisabeth n. von Salis. ∞ Margreth, figlia da Hartmann Hartmann von Hartmannis. Domicilià a Tavau, Malans e Cuira. Landamma da Tavau e chau da la LDD 1620-22. Colonel en servetschs franz. e grischuns, cun in agen regiment a partir dal 1635. Il 1622 ha G. participà sco adversari vehement da la partida spagn.-austr. a la Sullevaziun dal Partenz ed a las campagnas militaras en Vuclina dals onns 1620, 1621, 1624-27 e 1635-37. Cumandant da la fortezza dal Rain a Malans 1637-39. L'emprim aderent, pli tard grond adversari da Gieri Genatsch. Il 1642 è G. s'opponì energicamain a la predominanza tradiziunala da Tavau en la LDD (Sentenzia da Waser). Promotur da la liberaziun dals dretgs austr. en la LDD (succedida 1649-52). G. è mort durant l'emprova aventurusa d'assaglir la Curt episcopala a Cuira. I n'è betg cler, schebain ils motivs da quel assagl eran plitost da gener confessiunal (secularisaziun, sustegn da Turitg en l'Emprima Guerra da Villmergen) u politics (terrada da la partida spagn.).


Litteratura:
A. Mooser, Die G. von Wyneck, en: BM, 1934, 129-52, 161-84; A. Pfister, Jörg Jenatsch, 1938 (19915); F. Maissen, Die Drei Bünde in der zweiten Hälfte des 17. Jahrhunderts in politischer, kirchengeschichtlicher und volkskundlicher Schau, 1. part, 1966.

Silvio Färber

lemma precedents GulaGuler lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :