e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Hackaert, Jan Haldenstein, von  Hager, Karl * 19-11-1862 (Christian) a Kaltbrunn, † 12-7-1918 a Glion, cat., da Kaltbrunn. Figl da Christian, chalger, e da Theresia n. Steiner. Gimnasi ad Engelberg 1875-80, profess a Mustér 1881, nua ch'el è vegnì ordinà pader OSB (1886) ed ha instruì a la scola claustrala. Studi da las scienzas natiralas a l'Univ. da Friburg 1900-04, dr.sc.nat. 1905 («Die Kiefermuskeln der Schlangen und ihre Beziehung zu den Speicheldrüsen»). Sper l'instrucziun a la scola claustrala ha H. stabilì contacts cun Carl Schröter e Johann Wilhelm Fortunat Coaz. Sia ovra principala, «Verbreitung der wildwachsenden Holzarten im Vorderrheintal» 1916), cuntegna infurmaziuns impurtantas davart la selvicultura e geobotanica. Autur da lavurs davart l'istorgia e la folclora dal pajais che sa refereschan per part a las ovras da Pader Placi a Spescha. A partir dal 1908 è H. stà comm. da la cumissiun per la protecziun da la natira dal Grischun, fundada il 1906. Archiv: Aclaustr. Mustér, relasch. Ovras: Placidus a Spescha. Sein Leben und seine Schriften (edì ens. cun F. Pieth), 1913. Litteratura: C. Schröter, Professor Dr. Pater Karl H., en: BM, 1918, 321-42 (necr., cun reg. d'ovras); A. Müller, Pater Karl H., en: Disentis, 60/1993, 25-38. Heinrich Zoller  Hackaert, Jan Haldenstein, von  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: