Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Haldenstein, vonHämmerle [-Planta], Isa lemma sequent

Halter, Toni
* 20-11-1914 (Michel Anton) a Valata (vischn. da Sursaissa), † 26-12-1986 a Vella, cat., da Degen. Figl da Sep Antoni e da Maria Mengia n. Derungs. ∞ Giuseppa n. Derungs, da Vella. Scola claustrala a Mustér, Seminari scolastic a Cuira, scolast primar a Vella. Suenter la scolaziun a Friburg mag. secundar a Vella 1954-79. Autur da prosa e dramatica. Suenter raquints per la giuventetgna («Nus ed il Schuob», 1954), gieus festivs («Il festival de Porclas», 1951) e dramas istorics («General Demont», 1962), ha H. publitgà trais romans impurtants: «Culan de Crestaulta» (1955), ina fabla preistorica, «Il cavalè della Greina» (1960), ina legenda istorisanta, e «Caumsura» (1967), in roman dal temp che tracta dad emigraziun e return. Las collecziuns da raquints «Fein selvadi» (1973) e «Diari suenter messa» (1977) s'occupan da tradiziun e modernitad. Comm. dal Cussegl grond per il cumin da la Lumnezia 1979-81, pres. da l'Uniun grischuna da scolasts 1973-78. Pliras ovras èn vegnidas translatadas en div. linguas (tr.a. da M. Popescu-Marin en rumen). Plirs premis litterars, Premi grischun da cultura 1985. Undrà en il Curtin d'onur da la LG a Trun.


Ovras:
BR, nrs 2818-36; Ovras, 3 ts, 1989-94 (red. B. Collenberg).

Litteratura:
Bezzola, Litteratura, 564-71; Deplazes, Funtaunas 4; LTS, 789.

Clà Riatsch

lemma precedents Haldenstein, vonHämmerle [-Planta], Isa lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: