e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Hannikel Hartmann  Hartkopf, August * 21-8-1873 a Jakschitz sper Posen, † 8-10-1953 a Tavau, ref., da Kassel (Hessen). Figl da Ludwig, dazier da punts, e da Wilhelmina n. Haupt. ∞ Anastasia n. Schwab. Suenter in emprendissadi da serrer, è H. sa rendì il 1896 a Turitg, nua ch'el ha lavurà en la firma Bauer (cassafortas e tresors). Pauc onns pli tard ha el translocà a Tavau, nua ch'el è sa fatg independent il 1906 sco serrer e constructur da bobs. Il 1907, dus onns suenter l'avertura da la via da scarsolar sin la Schatzalp a Tavau, ha el vendì ses emprim skeleton. El è daventà in grond constructur da bobsleighs e da skeletons ch'el exportava en Russia, en Svezia, en Germania, en l'Austria ed en ils Stadis Unids da l'America. Per l'Olimpiada dal 1928 a S. Murezzan ha el construì 17 bobs da quatter e 17 bobs da dus. Il davos bob ha el producì per l'Olimpiada dal 1932 a Lake Placid. Autur da «Bobsleigh. Regeln für das Bobsleighfahren». Suenter la Segunda Guerra mundiala ha el construì surtut scarsolas cun crutschas stortas. Litteratura: 100 Jahre Bobsport, edì da M. Triet, 1990. Andrea Weibel  Hannikel Hartmann  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: