Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Hold, LuziusHophan, Beda lemma sequent

Holsboer, Willem Jan
* 23-8-1834 a Zutphen (Pajais Bass), † 8-6-1898 a Bad Schinznach-Bad/AG, ref., Ollandais, a partir dal 1888 da Cuira. Figl d'in commerziant da textilias a l'engrossa. ∞ 1) 1865 Margreth Elisabeth n. Navelle Jones, da Londra, 2) 1869 Ursula n. Büsch, da Tavau. H. ha absolvì ina scolaziun da timunier e chapitani da bastiments. Suenter lungs viadis sin la mar, ha el fatg ina scolaziun commerziala ed è daventà il 1865 directur d'ina banca privata a Londra. Pervi d'ina malsogna dals pulmuns da sia dunna è el sa transferì il 1867 a Tavau, nua ch'el ha dirigì la chasa da cura a Tavau Plaz. Il 1871 ha el fundà la Societad da cura da Tavau ch'ha realisà impurtantas lavurs d'infrastructura. H. è stà l'emprim president da la Davoser Gesellschaft für Elektrizitätswerke. Sia ovra principala è stada la construcziun da la lingia da viafier Landquart-Tavau (1888-89). H. è daventà ina persunalitad marcanta en il svilup da Tavau sco center da cura e da traffic turistic.


Litteratura:
BM, 1898, 197-200.

Jürg Conzett

lemma precedents Hold, LuziusHophan, Beda lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: