Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Hosang, GeorgHössli, Philipp lemma sequent

Hosang, Johann Peter
* 15-10-1788 a Samedan, † 27-12-1841 a S. Gagl , ref., da Tschupegna. Figl da Christian e dad Ursula n. Scandolera, da Samedan. Nubil (?). Scola reala a l'institut d'Andreas Rosius a Porta a Ftan 1800-04. Emprendissadi da commerzi, agent commerzial e contabilist en la firma d'Antonio Frizzoni (commerzi da saida) a Bergam fin il 1831. Alura privatier a Cuira, Turitg, Bergam e S. Gagl. H. ha testamentà ina gronda part da sia facultad a l'ospital ed a la chasa da paupers da Bergam sco era a la Scola chantunala evang. a Cuira, als fonds da scola da Samedan e Tschupegna ed al stabiliment da succurs Foral a Cuira. La facultad restanta da passa 80'000 rentschs ha el regalà al chantun Grischun. L'uschen. J.P. Hosang'sche Kantonal-Armenstiftung ha pussibilità il 1844 l'acquist dal bain puril Plankis a Cuira e la construcziun d'ina scola e d'in center da furmaziun per mattas e mats ref. da relaziuns paupras (avert il 1845; oz in lavuratori per l'integraziun prof. da creschids cun impediments).


Funtaunas:
Das Testament von weiland Johann Peter H., en: BM, 1854, 33-49.

Litteratura:
B. Hartmann, Johann Peter H. und sein Testament, 1945.

Adolf Collenberg

lemma precedents Hosang, GeorgHössli, Philipp lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :