Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents LandquartLandquart lemma sequent

Landquart
Flum che nascha en il massiv dal Silvretta e dal Veraina, percurra il Partenz e sbucca a L. en il Rain. 1050 ad fluvium langorum, enturn il1300 Langwar. En il temp rom. ed en il temp medieval furmava el il cunfin dal district administrativ ecclesiastic e secular da la Punt Sura (Obere Brücke), dotada dapi il 10. tsch. cun ina duana episcopala. En ils onns 1464, 1762, 1910 e 1927 han la L. e ses flums laterals chaschunà gronds donns d'inundaziun. Las auas grondas èn vegnidas domesticadas dapi l'entsch. dal 18. tsch. cun meds rudimentars, dapi il 1870 cun rempars da protecziun ed indrizs da colmataziun. Fin il 1900 han ins uschia pudì gudagnar ca. 2 miu. m² terren cultivabel. Fin enturn il 1870 vegniva flottà laina dad arder e laina da construcziun sin la L. Tr. il 1889 ed il 1903 èn naschidas pitschnas ovras electricas privatas a Claustra, Crusch, L. e Malans. La realisaziun da las ovras idraulicas a Cuvlignas, Claustra e Schlappin (1920-27) da las OE Grischunas SA han dà impuls impurtants al svilup economic dal Partenz.


Litteratura:
C. Clavuot, J. Ragettli, Die Kraftwerkbauten im Kanton Graubünden, 1991; M. Thöny, Prättigauer Geschichte, 1991².

Otto Clavuot

lemma precedents LandquartLandquart lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: