e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Borroni [Borrone], Broccardo Bosio, August  Bos-cha Aclaun da la vischn. d'Ardez a 1664 m, a la via (medievala) da Guarda ad Ardez. Il 1536 èn attestads in Claot, in Nutt ed ina Ursina da Boschka cun possess a B. Il num B. deriva dal german Bosk, rum. chaglia. Il 1521 è menziunada ina chaplutta da S. Steivan a B., bandunada anc en il 16. tschientaner. Il chaplon tgirava a medem temp era la chaplutta da S. Luzi sin il chastè da Steinsberg/Ardez. Quella è vegnida integrada enturn il 1570 en ina chasa (arsa giu il 1931) che sa chattava al lieu da la Chasa Craista odierna. Tenor ils tschentaments d'Ardez dal 1697 aveva B. in agen funcziunari per tscherts uffizis, p.ex. per survegliar ils implants da sauaziun (auguer da commün). La Chasa Viletta a B., construida enturn il 1830, è ina chasa burgaisa remartgabla cun ina culmaina artgada singulara. Litteratura: Kdm GR 3, 495-504. Martin Bundi  Borroni [Borrone], Broccardo Bosio, August  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: