e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Lori, Fida Lortza  Loringett, Steafan * 1-3-1891 a Scuol, † 6-6-1970 a Cuira, ref., da Vargistagn. Figl da Risch, pur, e da Johanna n. Moser, da Wildhaus/SG. ∞ 1) Deta n. Tschurr († 1948), 2) Maria n. Calonder. Scolas a Maton, Scuol e Ziràn, alura Seminari scolastic a Cuira. Scolast a Scuol, Maton ed Andeer a partir dal 1912, secretari da la Lia Rumantscha 1919-32 (fundada il 1919) e da l'IDRG (fin il 1926). Agent general da la societad d'assicuranzas Winterthur 1926-56, pres. da la Renania 1929-44. Sco pres. da la LR 1946-63 ha L. stabilì ed intensivà ils contacts cun ils Ladins da las Dolomitas. Cuniniziant da la Cuminanza Culturala Val Schons (1958). Poet e translatur; pres. da la cumissiun chant. per meds d'instrucziun ed autur principal da la fibla rum. dal 1921 (illustrada da Giovanni Giacometti). Dr.h.c. da l'Univ. da Turitg 1962, undrà en il Curtin d'onur da la LG a Trun.   Ovras: Sur pùnts a pitgognas, 1966; BR, nrs 3231-48. Litteratura: L. Michael, Steafan L., en: Annalas, 84/1971, 5-13 (cun fotogr.); P. Metz, Giovanni Giacomettis Bündner Fibeln von 1921, en: BJb, 1999, 73-92; LTS, 1131 s.; G. Lechmann, Rätoromanische Sprachbewegung, 2005. Adolf Collenberg  Lori, Fida Lortza  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: