e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Lü Lucarn  Luban [-Plozza], Boris * 29-6-1923 a S. Gagl, † 24-12-2002 a Lucarn, dad Augio/TI, vischin d'onur da Braggio, Grono e Rossa. Figl da Salman, medi, e da Sophie n. Guberini. ∞ Wilma n. Plozza, figlia da Pietro. Matura a Ligiaun 1942, stud.med. a Genevra, Basilea e Berna, promoziun 1951, abilitaziun en psichiatria a Milaun 1966. Medi en il Mesauc, alura pratica a Lucarn a partir dal 1966, directur da la partiziun da medischina psicosomatica a la Clinica Santa Croce ad Orselina fin il 1992. Incumbensā da curs da psicologia medicinala a l'Univ. da Friburg e da medischina psicosomatica a l'Univ. da Milaun. Prorectur da l'Universitā internaz. Albert Schweitzer a partir dal 1999. Engaschā en la furmaziun ed il perfecziunament dals students, dals medis e dal persunal da tgira, ha L. sviluppā, cun il sustegn da la WHO e dal Cussegl d'Europa, il "model d'Ascona" (orientā a la relaziun medi-pazient) e las gruppas Monte Veritā (gruppas da studi da la medischina relaziunala) ed ha organisā dal 1971-98 ils inscunters internaz. Balint ad Ascona. Numerusas distincziuns, tr.a. il Premi grischun da cultura 1988 e dr.h.c.da 16 universitads.   Ovras: Schlaf Dich gesund! (ens. cun H.H. Dickhaut), 1968 (200811); Praxis der Balint-Gruppen (edit.), 1974 (1984˛); Patientenbezogene Medizin (edit. e conautur), 9 ts, 1978-87; Brücken zum Leben, 2001. Litteratura: Der alternde Mensch und sein Umfeld, edė dad E. Petzold, V. Beck, 1993; Corriere del Ticino, 27-12-2000. Kurt Laederach-Hofmann  Lü Lucarn  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: