Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Ludwig, HeinrichLüen lemma sequent

Ludwig, Johannes
≈ 19-11-1815 a Cuira, † 4-7-1888 a Cuira, ref., dad Aschera. Figl d'Andreas e da Salome n. Nold. ∞ Ursula n. Clement. Cuss. da la citad da Cuira. Suenter esser stà activ sco miradur e lainari, ha L. fatg l'architect. El vala sco in dals architects ils pli impurtants dal temp neorenaschimental. Ses capodovras, realisads a Cuira, èn l'anteriur arsenal (1861-63) che alloschescha actualmain il Teater da la citad ed il Cussegl grond, la halla d'equitaziun (1864; pli tard remisa da la posta), la Villa Planta (1874-76; oz Museum d'art dal Grischun), l'edifizi da stadi e banca (1877/78; oz Uffizi chant. da construcziun bassa) e la caserna (1880-87). L. è stà participà en maniera decisiva a la reconstrucziun da la citad da Glaruna, devastada tras in incendi l'onn 1861. Ulteriuras activitads a Tusaun e Tavau sco era en il Partenz ed en l'Engiadina. L. ha era elavurà projects per la construcziun d'edifizis al Lai da Com ed a S. Gagl. Per la Villa Planta ha el survegnì in diplom d'onur a l'occasiun da l'Exposiziun mundiala a Paris (1878).


Litteratura:
ALS, 350 s.; Schweizer Lexikon 7, 1999, 327.

Leza Dosch

lemma precedents Ludwig, HeinrichLüen lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: