Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Marca, Carlo Domenico aMarca, Giovanni Antonio a lemma sequent

Marca, Clemente Maria a
* 21-11-1764 a Soazza, † 27-8-1819 a Leggia, cat., da Mesocco. Figl da Carlo Domenico e da Maria Margherita n. Toschini. Frar da  Giovanni Antonio. ∞ 1787 Giovanna n. Ferrari, da Soazza. M. ha frequentà ils collegis ad Augsburg ed a Regensburg, alura a Milaun (fin il 1783). El ha cumenzà fitg baud ina carriera politica, occupond ils uffizis publics principals en il Mesauc ed en las Trais Lias. Il 1793-95 è el stà podestat da Tegl ed il 1797 sco guvernatur elegì da la Vuclina l'ultim titular da questa carica. Mess a la Dieta generala dal 1801 a Berna, pres. dal Cussegl grond il 1804, comm. dal Cussegl pitschen (Regenza) il 1806 ed il 1817, derschader da la Dretgira d'appellaziun (pres. 1817 e 1819). Il 1815 ha el protegì il segiurn dad Ugo Foscolo (fugitiv politic tal.) a Roveredo. El è era stà activ en il commerzi da laina ed ha promovì la nova via da colliaziun da Blinzuna a Cuira sur il S. Bernardin (1818-23). Ses diari renda quint da sia activitad publica remartgabla, furnind ultra da quai interessantas infurmaziuns da caracter general davart ils eveniments da quella perioda.  
Litteratura:
E. Fiorina, Note genealogiche della famiglia a M. di Val Mesolcina [Svizzera], 1924; Marca/Santi, Iconografia; M. a Marca, C. Santi, Il diario del Governatore Clemente Maria a M. 1792-1819, 1999.

Cesare Santi

lemma precedents Marca, Carlo Domenico aMarca, Giovanni Antonio a lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :