e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Marmels, Nicolaus de Marmels, Ulrich de  Marmels, Rudolf de * ca. 1470, † 7-2-1553, cat., da Murmarera, Cuira e Rapperswil/SG. Figl da Conradin e dad Anna von Villenbach n. von Ems. ∞ 1) Magdalena n. de Beccaria, da la Vuclina, 3) Anna n. Tettikofer, da Rapperswil. M. è stà enturn il 1499 chastellan episcopal a Greifenstein ed ha cumandà ils subdits da la chastellania en la Battaglia a la Chalavaina. Tr. il 1512 ed il 1521 è el stà en servetsch mercenar dal papa e da la Frantscha. Chapit. da las truppas grischunas en l'Emprima Guerra da Müsch dal 1525. Curatur da la citad da Cuira 1512 e burgamester 1515. Emprim guvernatur da las Trais Lias en Vuclina 1513-17 (cun interrupziuns). Proprietari d'in vast possess funsil ertà dal bab suenter il 1518. Marschal ereditar da l'uvestg da Cuira. Il 1533 ha el acquistà ina chasa e bains a Rapperswil, nua ch'el è sa stabilì ed è stà comm. dal Cussegl pitschen 1536-45. Litteratura: A. von Castelmur, Rudolf von M., Ratsherr zu Rapperswil, en: BM, 1924, 250-57; T. Salice, Rodolfo Marmorera, primo governatore di Valtellina, en: Bollettino della Società Storica Valtellinese, 36/1983, 169-80. Martin Bundi  Marmels, Nicolaus de Marmels, Ulrich de  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: