Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents MastrilsMathis, Christian lemma sequent

Masüger, Johann Baptist
* 5-6-1879 a Sarn, † 16-2-1964 a Cuira, ref., da Sarn. Figl dad Anton, pur, e dad Ursula n. Cajöri. ∞ Anna n. Zender, da Zuoz. Seminari scolastic a Cuira, mag. primar, furmaziun al mag. da sport al Polytecnicum ed al mag. secundar a l'Univ. da Turitg. Alura mag. secundar a Zuoz. Furmaziun supplementara en il Danemarc (terminada cun in diplom en sport), alura mag. da gimnastica a la Scola chant. a Cuira 1911-44. Considerà sco il "bap da la gimnastica" en il Grischun, era M. enconuschent sur ils cunfins chant. sco expert, perscrutader, collecziunader e publicist. Sco piunier da l'educaziun fisica en scola (era per las mattas) e da l'activitad polisportiva per ils creschids, ha el organisà curs en tut la Svizra ed ha tgirà ina correspundenza cun experts da tut l'Europa (o.t. cun la Scandinavia). Sco chapit. ha el introducì durant l'Emprima Guerra mundiala la gimnastica per ils schuldads.


Ovras:
Leibesübungen in Graubünden einst und heute, 1946; Schweizerbuch der alten Bewegungsspiele, 1955.

Litteratura:
Bedeutende Bündner 2, 540-44.

Adolf Collenberg

lemma precedents MastrilsMathis, Christian lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :