Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Messmer, DomenicaMetz, Peter lemma sequent

Mettier, Hans
* 29-9-1851 a Pralung, † 11-8-1901 a Cuira, ref., da Pralung. Figl da Hans, pur e landamma da Pralung, e da Catharina n. Sprecher. Nubil. Seminari scolastic a Cuira, alura mag. primar a Tusaun 1872-77. Luzi Michel ha sveglià ses interess per las ideas dal socialissem. Suenter studis a l'Univ. da Turitg 1877-79, è el stà redactur dal «Volksfreund» a Cuira 1881-82, dal «Murtenbieter» a partir da 1883, dal «Bieler Anzeiger» 1886-92 e dal «Grütlianer» a Turitg 1893-1900. En l'Associaziun da Grütli, ch'el ha empruvà da refurmar, ha el giugà ina rolla centrala. Dal 1891-93 ha M. represchentà ils Socialdemocrats en il Cussegl grond da Berna e dal 1893-99 è el stà comm. da la giunta directiva da la Federaziun svizra dals lavurers.


Litteratura:
Der Grütlianer, 13 e 17-8-1901; Hans M., 1901; M. Mattmüller, Leonhard Ragaz und der religiöse Sozialismus 1, 1957; Arbeiterschaft und Wirtschaft in der Schweiz 1880-1914, edì dad E. Gruner, ts 2 e 3, 1988.

Jan Uebelhart

lemma precedents Messmer, DomenicaMetz, Peter lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :