e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Mirer, Johann Peter Misani , Johann Theodor de  Misani , Gaudenz ≈ 25-9-1743 a Brüsch, † suenter il 1795, ref., da Samedan e Brüsch. Figl da Giorgio, chancelier a Tiraun e chapitani. Frar da Johann Theodor. Attestà era sco Mysani u Mysaun. ∞ Cleopha n. Swartz, figlia da Johann Jacob, da Cuira. Furmaziun giuridica, alura podestat a Plür 1763-65 e statalter (assistent) dal podestat a Tiraun 1771-73. Grazia ad abus d'uffizi sistematics ha el accumulà en pauc temp ina facultad considerabla. Destituì e bandischà il 1773, è el alura daventà chombrer dal duca dal Württemberg ed ha fundà la lingia tud. da la famiglia. Il cas da M. è daventà en Europa il simbol per l'explotaziun da las Terras subditas dal Grischun, ed igl è pussaivel che Friedrich Schiller sa refereschia a quel simbol cun qualifitgar il Grischun sco "Athen der heutigen Gauner". Archiv: ASGR, actas dal process M. Litteratura: G. Pool, Hofpfalzgrafen aus dem Engadin, dem Bergell, dem Puschlav und von Ilanz, en: BM, 1984, 280-316, o.t. 301, 303. Jürg Simonett  Mirer, Johann Peter Misani , Johann Theodor de  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: