e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Molina , [von] Molinis  Molina, Anton von [Antonio de] † suenter ils 29-12-1650 prob. a Maiavilla, cat., da Buseno. Figl dad Orazio, notar e landamma da la Calanca e podestat a Traona. ∞ 1616 Violanta n. von Salis, figlia da Vespasian, signur d'Aspermont e vicari en Vuclina 1581-83. Tras maridaglia è M. vegnì en possess dal chastè da Salenegg (vischn. da Maiavilla) ch'el ha restructurà il 1646. En sia «Treuherzige Vermahnung» ha el appellà il 1608 a l'unitad en las Trais Lias. Studis a l'Univ. da Paris 1609, alura podestat da Traona 1613-15 e landfoct dal Signuradi 1631-33 e 1641-42. En ils onns 1614-15, 1617-18, 1624-27 e 1629-31 è M. stà secretari roial franz. ed interpret tar las Trais Lias. Cun il sustegn dal mess franz. Etienne Gueffier, è el s'engaschà cunter la renovaziun da l'allianza da las Trais Lias cun Vaniescha ed è vegnì expulsà il 1618, ens. cun Pompejus von Planta, Luzius de Mont, Giovanni Antonio Gioiero e.a., tras la dretgira nauscha da Tusaun. Il 1622 è M. sa participà a las negoziaziuns per il Contract da Lindau, ed il 1627 han las Trais Lias delegà el a Paris per intimar il cardinal Richelieu da midar il Contract da Monzon dal 1626. Il 1628 ha il retg franz. Louis XIII numnà el chavalier da l'Accolade. Il 1629 è el vegnì delegà da las Trais Lias a Puntina per la renovaziun da l'uschen. Erbeinigungsvertrag. Sco litinent colonel dal regiment Schauenstein, che serviva a la Frantscha e ch'el ha cumandà pli tard sez, ha el cumbattì da la vart dal duca Henri de Rohan cunter l'Austria e la Spagna. Pli tard è el s'orientà a la politica spagn.-austr. ed è vegnì delegà il 1637 da las Trais Lias a Milaun tar il marches de Leganes per prender part da la conspiraziun cunter il duca de Rohan. Il medem onn è el entrà cun ses regiment en servetsch milanais. Il 1639 ha el participà a las tractativas per l'Emprim Capitulat da Milaun. Ovras: La Valteline, ou Memoires, discours traictez et actes [...], 1631. Litteratura: G.G. Simonet, Due Cavalieri della Calanca, en: Raetica varia 8, 1926, 45-80; R. Bornatico, Antonio M. e la sua opera, en: QGI, 42/1973, 135-44. Ursus Brunold  Molina , [von] Molinis  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: