e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Perini, Peter Daniel Pestalozzi, César Hippolit von  Perret, Franz * 18-5-1904 a Schwerzenbach/ZH , † 22-12-1979 S. Gagl, cat., da Mels/SG. Figl dad Albert Carl, schef dal biro d'expediziun da martganzia da las VFF, e da Berta n. Schibli. ∞ 1934 Rita n. Mazzotta, figlia dad Oronzo, ustier e viticultur. Scolas claustralas a Näfels e Stans, studi da giurisprudenza a Paris e Genevra, lic.iur. A partir dal 1936 ha P. edì sin basa privata funtaunas da l'istorgia da la Rezia Sut. A partir dal 1940 ha el collavurà al «Bündner Urkundenbuch», a partir dal 1942 al «Liechtensteiner Urkundenbuch» e dal 1946 fin a sia mort a quel da las parts meridiunalas dal chantun da S. Gagl (publ. 1951-82). Dal 1958-68 è P. stà archivari e bibliotecari dal chantun da S. Gagl e dal 1968-78 archivari claustral. El ha edì publicaziuns davart l'abazia da Faveras e la cuntrada da Sargans. P. aveva ina predilecziun per la cultura rumantscha. Il 1965 ha el obtegnì, sco emprim, il Premi da cultura da la cuntrada da Sargans.  Archiv: Aclaustr. S. Gagl, relasch; Apriv. Jean-Marc P., Confignon. Ovras: Die sprachgeschichtliche Lage des Sarganserlandes, 1938. Litteratura: W. Vogler, Bibliographie Franz P., en: St. Galler Kultur und Geschichte, 8/1979, 299-312; Mitteilungen der Vereinigung Schweizerischer Archivare, 32/33, 1980-81, 75-77. Lorenz Hollenstein  Perini, Peter Daniel Pestalozzi, César Hippolit von  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: