Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Peterelli, Johann AntonPeterelli [-Zündel], Alice lemma sequent

Peterelli, Remigius
* 31-8-1815 a Suagnign, † 10-2-1892 a Berna, cat., da Suagnign. Figl da Johann Anton e da Cresenzia n. de Scarpatetti. ∞ 1841 Johanna n. de Latour, da Breil, figlia da Christian, maior. Scola da latin a S. Gliezi/Cuira, gimnasi a Soloturn e Delémont, studi da giurisprudenza a Minca e Heidelberg. Comm. da l'uniun studentica Zofingia 1833. Advocat a Cuira tar Ludwig Anton Vieli (1839), alura politicher da professiun. Statalter guv. 1840, mess a la Dieta confed. 1846. Landfoct/mastral dal Surses 1843-45 e 1864-67, comm. dal Cussegl grond 1839-81 (cun interrupziuns; pres. 1851, 1854, 1857, 1861-62 e 1871), comm. da la cumissiun dal Cussegl grond 1843-81 (cun interrupziuns), bundspres. e sco tal cuss. guv. 1846, 1851, 1854, 1857, 1861 e 1862. Commember cons. dal Cussegl dals chantuns 1864-65, 1866-68, 1869-71, 1872-73 e 1881-92. Pliras missiuns spez. en il Vatican per incumbensa dal Cussegl federal. Comm. da la Dretgira d'appellaziun superiura 1843-45 e 1852-54 e da la Dretgira chant. 1848-51 e 1855-92; pres. da la dretgira dal district d'Alvra 1849-57 e 1867-92. Dal 1846 fin a sia mort è stà P. il manader incontestà dals conservativs cat. e suenter il 1872 dals federalists cat. dal Grischun. Entaifer il Cussegl dals chantuns furmava el, ens. cun il prot. Peter Conradin Romedi, il famus "Zweispänner". P. ha refusà la Const. fed. dal 1848 e la fusiun da las duas scolas chant. grischunas il 1849. Sco represchentant da la Baselgia naz. tradiziunala (Artitgels da Glion dal 1526) e sco politicher conciliant e disfavuraivel a partidas politicas, ha P. contribuì essenzialmain durant la Guerra da la Lia separatista (1847) a prevegnir ad ina guerra da confessiun e, suenter il 1872, ad in cumbat cultural en il Grischun. Comm. dal cussegl administrativ da la Banca Chantunala Grischuna 1876-92.

 
Litteratura:
Gruner, Bundesversammlung 1, 621; Bedeutende Bündner 2, 32-36; Metz, Graubünden 2; T. Peterelli, Aus den Sonderbundstagen: Remigius P. (1815-1892), en: BM, 1994, 59-71.

Adolf Collenberg

lemma precedents Peterelli, Johann AntonPeterelli [-Zündel], Alice lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: