Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Planta da libertadPlanta, Friedrich [Ziska] von (Samedan) lemma sequent

Planta, Florian von (Samedan)
* 13-6-1763 (Florian Ulrich) a Samedan, † 13-5-1843 a Cuira, ref., da Samedan. Figl dad Ulrich, landamma da Sur Funtauna Merla, e da Catharina n. P. ∞ Anna Cleophea n. von Salis-Sils, figlia da Rudolf, guvernatur en Vuclina. Scolaziun en instituts privats a Spleia ed a Cuira, alura student a l'Academia da Losanna ed a l'Univ. da Basilea (1782). Landamma da l'Engiadin'Ota 1799, deportà ad Aarburg, Salins e S. Gagl 1799-1801 sco aderent da la partida austriaca. Mess a la Consulta a Paris 1802-03. Bundslandamma (cuss. guv.) 1807, 1812, 1818, 1822, 1824, 1829 e pliras giadas comm. dal Cussegl grond fin il 1834 (pres. 1808). Pres. da la Dretgira d'appellaziun superiura. Mess a la Dieta confed. 1808. Propagatur da l'amplificaziun da la via dal Spleia (1823), da la Scola chantunala evang. e da l'Institut da salvament Foral per uffants povers e negligids a Cuira.
Litteratura:
Geneal. Planta, tav. 24c/2; Geneal. Salis, tav. 8/114; F. Pieth, Landammann Florian P. über seine Deportation nach Aarburg, en: BM, 1944, 101-12; F. Pieth, Relation der Deputierten Florian P. und Jakob Ulrich Sprecher an den Grossen Rat über die Deputation nach Paris vom November 1802 bis März 1803, en: BM, 1947, 333-38.

Martin Bundi

lemma precedents Planta da libertadPlanta, Friedrich [Ziska] von (Samedan) lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: