Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Planta, Ludwig August von (Wildenberg/Rietberg)Planta, Peter Conradin Constantin von (Zuoz) lemma sequent

Planta, Martin von
* 4-3-1727 a Susch, † 29-3-1772 a Lantsch Sut, ref., da Susch. Figl da Joseph, mastral, e dad Elisabeth n. Conrad, da Fadrein. Frar dad Andreas. ∞ Anna Caterina n. Sprecher, figlia da Hans Peter, mastral dals Quatter Vitgs. Mort prematura da tut ils nov uffants. Instrucziun privata, alura al Collegium Carolinum a Turitg (1742). Studis da teologia, da linguas, da matematica e da fisica a Turitg, ordinà il 1745. Scolast privat ad Obernzenn (Franconia), Erlangen e Cuira, maiordom a Zuoz. Viadis da studi 1748-50, plevon a Zezras 1753-61. P. ha fundà il 1761 l'institut scolastic ed il Seminari a Lantsch Sut, ens. cun Johann Peter Nesemann e tenor il model dal Philanthropinum a Halle (cun sustegn dad Ulysses ed Anton von Salis-Marschlins). Il Seminari è vegnì transferì il 1771 a Marschlins. Ils radund 100 scolars da l'institut vegnivan educads a "vairs cristians" ed era preparads per professiuns politicas, militaras e commerzialas. P. è medemamain stà activ sin il champ da las scienzas natiralas ed ha construì il 1755, sco emprim, la Scheiben-Elektrisier-Maschine. 


Litteratura:
R. Wolf, Biographien zur Kulturgeschichte der Schweiz 2, 1859, 193-206; Geneal. Planta, tav. 31b/5; Bedeutende Bündner 1, 290-302.

Hans-Ulrich Grunder

lemma precedents Planta, Ludwig August von (Wildenberg/Rietberg)Planta, Peter Conradin Constantin von (Zuoz) lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :