Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Planta, Robert vonPlanta, Rudolf Alexander von lemma sequent

Planta, Rudolf
* 11-10-1888 a Bar-le-Duc (Lorena), † 23-10-1965 a Pratval, ref., da Susch. Figl da Hermann Viktor, pastizier a Bar-le-Duc ed a Metz. ∞ Maria Virginia n. Casparis, figlia da Johann Anton Casparis. Scola chant. a Cuira, studi da giurisprudenza a Berna e Berlin, dr.iur. 1914 («Das Vormundschaftsrecht nach den Bündnerischen Statutarrechten». President com. da Zuoz 1917-20. Domicil en il chastè da Rapertg (en possess da sia dunna). President com. da Pratval 1923-38. Durant 22 onns pres. da la dretgira distr. da la Mantogna e dus onns derschader chantunal. Cuss. naz. 1939-dec. 1941 (PLD). Cuss. guv. 1942-50 (Dep. d'educaziun e sanitad; pres. 1944 e 1949). Politicher plitost reservà, ma integher e per blers a Rapertg in cussegliader servetschaivel. P. è s'engaschà per ils ospitals ed asils en il chantun Grischun e per div. ovras d'agid. Sco cuss. guv. ha el stgaffì ina lescha moderna da provediment social. En pli è el stà in dals promoturs dal tunnel dal S. Bernardin. Sco pres. da fundaziun da la chasa per uffants impedids "Scalottas" a Scharons è P. mort il di da l'inauguraziun da quest asil.


Litteratura:
NBZ, 25-10 e 2-11-1965; BJb, 1967, 172 s.

Martin Bundi

lemma precedents Planta, Robert vonPlanta, Rudolf Alexander von lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :