e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Cattani [Cattaneo], Johann Baptista Cavajone [Cavaione]  Cauco Vischnanca polit., cirq. Calanca, distr. Moesa, situada a 1132 m sin la spunda sanestra da la Calancasca sin il cugn d'ina bova dal temp preistoric. A C. appartegnan era las fracziuns da Bodio (anc abitada), Lasciallo e Masciadone. 1683 ca. 400 abit.; 1803 149; 1850 120; 1900 104; 1950 92; 1990 30; 2000 37. Politicamain ha C. suandà la sort da la squadra da Calanca ed è daventada ina vischnanca autonoma il 1851. La baselgia da S. Antoni Avat è menz. per l'emprima giada il 1497; erigida sco baselgia parochiala il 1633, è ella vegnida engrondida e munida d'in nov clutger il 1683 e restaurada il 1978-89. A C. existivan intgins mulins ed ina traja per elavurar il crap da lavetsch. Menziun spez. meritan era las numerusas aclas da C. (oz bandunadas) che servivan antruras a l'economia d'alp; quella constituiva, cun l'allevament da muvel e l'emigraziun periodica, la basa economica principala da la populaziun. Litteratura: Kdm GR 6, 256-64; H.R. Pfeifer, Wenig bekannte Beispiele von ehemaliger Lavezausbeutung in den südlichen Alpentälern, en: Minaria Helvetica, 9/1989, 8-54; D. Giovanoli, C., 1992. Cesare Santi  Cattani [Cattaneo], Johann Baptista Cavajone [Cavaione]  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: