Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Chiampell [Campell], DurichChischner lemma sequent

Chischlatsch
Ruina da chastè situada sin territori da la vischn. da Falera a l'ur da la Val da Schluein, tud. Wildenberg. Areal lunghent che s'extenda sin duas collinas, separà tras in foss. Da C. èn sa mantegnids sulettamain restanzas da la miraglia ed il foss da tschinta. Il chastè sez na vegn mai menziunà, ils de Wildenberg percunter èn attestads il 1252 sco Libers nobels da la Surselva, descendents da la medema lingia u d'ina lingia parentada cun ils signurs de Frauenberg, Greifenstein e Sagogn. Grond possess a Falera, a Vuorz ed en l'Engiadina (Wildenberg-Zernez). Enturn il 1302 è mort l'ultim descendent masculin dals Wildenbergs sursilvans. Lur possess è passà tras Anna de Wildenberg als de Werdenberg-Heiligenberg. Il chastè (gia en muschna?) era en il 16. tsch. en possess d'ina lingia laterala dals Zollern.


Litteratura:
Clavadetscher/Meyer, Burgenbuch, 82; I. Cathomen, I. Winzap, Falera, 2002, 74 s.

Adolf Collenberg

lemma precedents Chiampell [Campell], DurichChischner lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: