e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Christoffel, Ulrich Cinuos-chel  Churburg Chastè situà a 999 m al sidost da Schludern en il Vnuost Superiur, erigì tr. il 1253 ed il 1259 tras l'uvestg da Cuira, Heinrich III von Montfort (1251-72), sco center dal signuradi per ils subdits da la Chadè en la regiun da l'Adisch. Gia il 1297 è dentant passà il chastè als conts von Matsch. La substanza da l'edifizi dal 13. tsch. cumpiglia l'imposanta tur principala da 26 m autezza, il palazi, il mir da rempar e la veglia chaplutta da S. Niclà. Dapi l'entsch. dal 16. tsch. fin il di dad oz è la C. en possess da la fam. Trapp che l'ha renovada e transfurmada en in chastè en stil renaschimental. La C. vala sco ina da las attracziuns principalas dal Tirol. Litteratura: Rampold, Vinschgau, 265-70; E. Daum, Die C., 1997; L. Andergassen, E. Reiter, C., 1999². Martin Bundi  Christoffel, Ulrich Cinuos-chel  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: