Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents PanaduzPapa, Luzi [Lüci] lemma sequent

Pany
Fracziun la pli gronda da la vischnanca polit. da Luzein, a la quala ella appartegna dapi il 1892. Abitadi sparpaglià sin la spunda a la via da Cuvlignas per S. Antönia. 1411 Pynnuew. 1991 ca. 500 abit.; 2001 566. Restanzas d'in chastè en vischinanza da l'aclaun da Rosenberg cun pitschens chats dal 13.-15. tschientaner. P. ha appartegnì ecclesiasticamain fin enturn il 1535 a la plaiv da Gianatsch, alura a quella da Luzein. Il 1705 ha l'abitadi erigì in'atgna baselgia. P. viva o.t. da l'agricultura. Dasperas è sa sviluppà il turissem en il 20. tsch.: il 1927 è vegnì avert il traffic postal tr. Cuvlignas e P., il 1930 in bogn public, il 1955 ed il 1973 runals da skis. A la sparpagliaziun da l'abitadi tras in boom da construcziun (ca. 130 chasas da vacanzas tr. il 1958 ed il 1988) han ins fatg frunt il 1984 cun in nov plan da zonas. Dapi il 1968 sa chatta a P. la scola centrala (scola primara e reala) da la vischnanca da Luzein. 


Litteratura:
M. Thöny, Prättigauer Geschichte, 1991²; T. Bardill, Luzein, 2006.

Otto Clavuot

lemma precedents PanaduzPapa, Luzi [Lüci] lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: