Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Parpan, FerdinandPartenen lemma sequent

Parsonz
Anteriura vischnanca polit., cirq. Surses, distr. Alvra. Fusiunada il 1979 cun Riom a la vischnanca polit. da Riom-P. P. sa chatta sin ina terrassa al vest en il Surses. 1156 Presan, tud. Präsanz (fin il 1943). 1850 123 abit.; 1900 113; 1970 81. Il chastè da Rauschenberg, construì prob. dals milites de Reichenberg (menz. il 1200), è passà pli tard als Deduals ch'eran en il 13. tsch. vasals episcopals. Dal chastè, attestà anc il 1617, n'existan oz pli nagins fastizs. Il 1475 è vegnida consecrada la chaplutta da S. Niclà, il 1663 la baselgia barocca, erigida da chaputschins (rest. il 1969) e munida cun truccas e picturas remartgablas. Ecclesiasticamain ha P. appartegnì a Salouf, dal 1641 fin il 1726 a Riom. A P. ha era appartegnì la veglia migiuria da Salaschigns cun la chaplutta da S. Baltramieu, menz. il 1508. Meglieraziun generala 1958-89 (ens. cun Riom). Il svilup dal center turistic Suagnign a partir dal 1950 ha provocà in spustament dal sectur primar a quel terziar. P. furma in consorzi da scola cun Riom dapi il 1969, cun Cunter dapi il 1977. La vischnanca maina ina scolina rumantscha.


Litteratura:
Kdm GR 3, 250-58; Gem. GR, nr 121, 1985; Riom-P.: codesch da vischnanca, 2001.

Gion Peder Thöni

lemma precedents Parpan, FerdinandPartenen lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: