Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Son LuziSon Martin lemma sequent

Son Marc, Pass da
Vegl passadi a 1992 m che maina da Murbegn en Vuclina sur Albaredo en la Val Brembana (provinza odierna da Bergam). La sella en la chadaina da las Alps Orobicas sa numnava a l'entsch. dal 16. tsch. Giogo (rum. giuf) u Monte Albit. Il 1552 han pretendì ils commerziants da la Val Brembana ed il 1557 Friedrich von Salis, ambassadur grischun a Vaniescha, da distgargiar la via da pass. Quai è succedì il 1592-93, en stretga collavuraziun cun Vaniescha. Il schefinschigner da quest'interpresa è stà Alvise Priuli, senatur venez. e podestat a Bergam. La nova via porta ses num: Via Priulana. Il pass, munì cun in ospizi da la vart dal sid, sa cloma dapi alura S. La via da pass serviva o.t. al transport da martganzia da Vaniescha en Flandra ed en Frantscha e viceversa. El aveva l'avantatg ch'ins na stueva betg traversar il territori da l'inimi milanais-spagnol. Las relaziuns amicalas cun l'Austria han impedì en il 18. tsch. l'amplificaziun da la via da pass, projectada da Vaniescha. Il pass ha alura pers sia impurtanza e serviva mo anc al traffic local. Cun la Nuova Priulana, construida a l'entsch. dals onns 1980, stat a disposiziun ina via turistica moderna.


Litteratura:
Bundi, Beziehungen, 202–10.

Martin Bundi

lemma precedents Son LuziSon Martin lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :