Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Sonvig, vonSottovia, Giovanni lemma sequent

Soreda, Pass dal
Passadi a 2759 m che collia la Lampertschalp (tal. Alpe di S.) sur las vals Scarradra e Luzzone cun Luorscha. 1451 alpis Lombarda seu alpis de Saurera.  Ils 14-6-1451 han Caspar Tönz de Strata, domicilià ad Iriel, e ses fragliuns vendì la Lampertschalp/Alpe di S. a las vischnancas da Ponte Valentino, Castro e Marolta en la Val Blegn. Ils novs possessurs stuevan consegnar mintg'onn 12 crennas paintg a la baselgia da vallada ed ina ducata tschains a l'avugà episcopal da Cuira. Ils Blegnastgs chargiavan e stgargiavan l'alp sur il S., la davosa giada il 1885. La Lampertschalp (Alp lumbarda v.d. taliana) era antruras ina culegna da stad cun ina chaplutta (oz en ruina), consecrada a s. Antoni. Il 1998 è vegnida sanada la senda sur il pass, utilisà mo pli dad alpinists e chatschaders.


Litteratura:
A. Derungs, Las alps de Lumnezia, en: Il Glogn, 15/1941, 39 s.; P. Donatsch, Hut ab vor denen, die vor uns gegangen sind, en: TG, 2000, nr 3, 70–72; R. Pollini-Widmer, Lampertschalp: Eine Blenieser Alpsiedlung des Spätmittelalters im Valsertal, edì da G. Jäger, 2010.

Adolf Collenberg

lemma precedents Sonvig, vonSottovia, Giovanni lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :