Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Michel, LuziMigraziuns lemma sequent

Migiuria
Il term migiuria (lad. majaria) designava oriundamain ina gronda curt u in bain agricul sco center d'in signuradi ecclesiastic u profan che cumpigliava savens in'entira culegna (villa); en il senn modern munta el in bain a fittanza (tud. Meierei, Meierhof). Il pled deriva dal lat. maior cun suffix -ia (surs./suts./rg migiur; lad. męr; surm. migiour) che designava ina persuna superiura, ma era in fittadin, in associā d'alp u in cussedent dal medem mises. A la migiuria correspundeva il term villicatio. En il 13. tsch. cumpara la migiuria sco associaziun legala cun in agen dretg constituziunal episcopal (ius villicationis). Il superiur en la migiuria era il migiur (villicus). Il terren d'ina migiuria vegniva elavurā da servs senza agen funs. La migiuria cumpigliava ultra da quai in dumber variant da "huobas" u "mansas" (coloniae) che vegnivan cultivadas da fam. purilas mez libras. Il term migiuria cumpara en numerus toponims sco Mairia, Maria (p.ex. Segl Maria), Miria, Müria u Maran (Arosa).


Funtaunas:
BUB 1-3.

Martin Bundi

lemma precedents Michel, LuziMigraziuns lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :