Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Punct da recapitulaziunPunt Arsa lemma sequent

Punschadurs
Purtaders d'in usit antic che vegniva tgirā en il 16. tsch. en la regiun sur il guaud da Flem. Quest usit pajaun, deditgā a Bacchus, č vegnė descrit dad Aegidius Tschudi, Johannes Stumpf e Durich Chiampell. Tenor els sa radunavan l'atun durant ils "dis sontgs da Bacchus" ils umens giuvens dal vitg, equipads cun mascras, armadiras u auters vestgids da protecziun e cun fists, lattas e brunsinas per ir tras ils vitgs, faschond sigls en l'aria ed ina canera snuaivla. Cun lur fists devan els punschadas a la glieud e vegnivan perquai numnads "punschadurs". Chiampell descriva quest cumportament sco usit superstizius ertā dals pajauns e pratitgā oriundamain per promover la fertilitad. Enturn il 1570 saja quai strusch pli in usit, mabain plitost in far vargugnus, ed i na saja insumma betg giustifitgā ch'ins celebreschia anc adina sin tut il mund talas festas infamas, deditgadas a dieus pajauns sco Dionysos u Bacchus. L'usit dals punschadurs para d'esser stā francā il pli ferm en la Foppa, en quella regiun pia, nua che la viticultura era derasada en il temp medieval tempriv. Ins po senz'auter s'imaginar ch'el giaja enavos sin ina festa da Bacchus rom., celebrada en questa regiun.


Litteratura:
D. Chiampell, Descripziun topografica da la Rezia alpina (1573), 2 ts, transl. da M. Bazzell, adattā da M. Gaudenz, 1970-77, 186 s.

Martin Bundi

lemma precedents Punct da recapitulaziunPunt Arsa lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :