e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Ragaz [Ragatz], Paul Rahn, Johann Rudolf  Ragettli, Andreas ≈ 10-1-1756 a Flem, † 10-12-1812 a Kwno (Russia), ref., da Flem. Figl da Hercules e da Barbara n. Veraguth [Vergit]. ∞ Regina n. Rudolf, da Flem. Cadet en il regiment von Salis en servetsch franz. 1774, lt 1788, comm. da la cumissiun militara da las Trais Lias 1794. Dal 1796-98 è stà R. secretari da Pierre-Jacques Bonhomme de Comeyras, resident da la Republica franz. en las Trais Lias. Sco aderent dals Patriots ha el sustegnì la liberaziun da la Vuclina e sia integraziun en la Republica da las Trais Lias. Chapit. en la mesa brigada helvetica da l'armada franz. staziunada al Danubi ed al Rain il 1799, col. en servetsch da Napoleun 1805. Defensur da la regenza da Joseph Bonaparte a Napel cunter rebelliuns dals Napolitans 1806-11 (guerilla sanguinusa). Il  1812 è stà R. cumandant da l'emprim regiment svizzer en la campagna militara en Russia, nua ch'el ha pers la vita en consequenza dals strapatschs, als quals el è stà suttamess en la Battaglia a la Beresina.  Litteratura: A. Pfister, Ils Grischuns sut Napoleon Bonaparte, en: Annalas, 37/1923, 89-130; 38/1924, 57-90. Martin Bundi  Ragaz [Ragatz], Paul Rahn, Johann Rudolf  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: