e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Raschèr, Hans von Raschèr, Jodocus  Raschèr, Jakob Martin * 5-10-1770 a Cuira, † 20-3-1818 a Cuira, ref., da Cuira. Figl da Wolfgang. ∞ Charlotte Henriette n. Kuhn, dad Eisenach (Saxonia). Studis betg enconuschents. Cuniniziant da la Scola chantunala evang., comm. dal directori e dal cussegl da quella 1804-18. Comm. dal cussegl da sanitad 1805-18 (pres. 1810-14). Iniziant dal lazaret Salvatoren a Cuira, in ospital per passants. Tgirunz en la Chasa da paupers, averta en ils onns da fomina 1816-18. Directur da las chasas da paupers e malsauns da la citad da Cuira. R. è stà in dals piuniers sin il champ da las vaccinaziuns en il Grischun ed ha era inizià il 1801 la vaccinaziun cunter virolas bovinas cun in serum importà da Frankfurt am Main. Cuniniziant da l'Uniun grischuna da medis, fundada il 1820. Litteratura: Churer Zeitung, 24-3-1818; V. von Planta, J.F. Tscharners Leben und Wirken, 1848, 283-91; Äskulap in Graubünden, 161 s. Adolf Collenberg  Raschèr, Hans von Raschèr, Jodocus  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: