Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Risch, MartinRitter Rotbart lemma sequent

Risch, Matthäus
* 7-11-1831 a Cuira, † 25-11-1908 a Cuira, ref., da Cuira. Figl da Jakob, emprim maister da mastergnanza e burgamester da Cuira, e dad Ursula n. Ganzoni. ∞ Betty n. Blattmann, vaiva Müller, da Zug. Scola chant. a Cuira, scolas agriculas en la Svizra Orientala. Pur ed allevatur da muvel, secretari da la polizia da Cuira 1862-77. Comm. dal Cussegl pitschen (executiva) da la citad da Cuira 1879-1908, pres. dal Cussegl dals burgais da Cuira 1896-1908, comm. dal Cussegl grond 1876-85 e 1889-93 e cuss. naz. 1890-1902. R. è s'engaschà politicamain en emprima lingia sin il plaun communal. El valeva sco politicher da la sanestra burgaisa che represchentava ils interess da l'agricultura e dals lavurers. Sco Giuven-democrat ha el pretendì la refurma da la Regenza grischuna e l'amplificaziun dals dretgs dal pievel. Ses curs sociopolitic ha garantì ad el il sustegn dals Conservativs e dals Socialists cunter ils Liberals. Comm. da l'Associaziun dal Grütli.


Litteratura:
Gruner, Bundesversammlung 1, 625; Metz, Graubünden 2, 310; P. Metz, Matthäus R. - das Lebensbild eines bedeutenden Churers, en: Bü. Kal., 1995, 52-56.

Jürg Simonett

lemma precedents Risch, MartinRitter Rotbart lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :