Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Röder, Georg WilhelmRoffler, Josias lemma sequent

Roedel, Reto
* 22-3-1898 a Casale Monferrato (Piemunt), † 24-11-1991 a S. Gagl, da Zuoz. Figl da Johannes e da Nina n. Pult. ∞ Lia n. Reviglio. Studis da litteratura a Turin, lic. 1926, docent liber a l'Univ. da Turitg 1929. Prof. ord. da lingua e litteratura tal. a l'Univ. da S. Gagl 1934-63. Autur da tocs da teater (tr.a. «Il posto vuoto», 1925) e da lirica, alura da prosa e dad essais critics. Il contact cun scripturs tessinais (o.t. cun Francesco Chiesa, cun il qual el cumpartiva la revendicaziun da l'italianitad culturala dal Tessin) ha spustà l'attenziun da R. vers la Lumbardia, grazia era a sia occupaziun cun Manzoni («Note manzoniane», 1934). La libertad da l'artist coincideva per R. cun l'impegn moral da l'ovra; quest aspect, preschent en la critica manzoniana, sa manifestescha era en sias retschertgas davart Dante («Lectura Dantis», 1965). Ses interess cumpigliavan era las relaziuns tr. la Svizra e l'Italia («Relazioni culturali e rapporti umani fra Svizzera e Italia», 1977) ed il champ da l'art figurativ (o.t. Giovanni Segantini). Sia davosa producziun è puspè a pro dal teater, en spez. gieus auditivs per il Radio da la Svizra taliana. Comm. dal comité central da la Societad Dante Alighieri. R. ha obtegnì numerusas distincziuns e premis da renconuschientscha.


Litteratura:
Omaggio a Reto R., edì da B. Zanetti, 1978; P. Fontana, Profilo di Reto R., en: Der Kanton St. Gallen und seine Hochschule, edì da R. Dubs e.a., 1989, 213-22; Scrittori del Grigioni italiano, edì dad A. e M. Stäuble, 1998, 125-34; T. Gatani, Ricordando Reto R. a poco più di dieci anni dalla morte, en: QGI, 71/2002, 19-31.

Pio Fontana

lemma precedents Röder, Georg WilhelmRoffler, Josias lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: