e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Salis, Daniel von (Soglio) Salis, Dietegen von (il Grond)  Salis, Daniel von (Soglio) * 19-2-1826 a Cuira, † 19-9-1919 a Cuira, ref., da Cuira. Figl d'Emanuel, colonel chant., e da Margaretha Perpetua n. von S.-Sils. Biadi da Daniel. Barun. ∞ 1) Theresia Wilhelmine n. Essingh, 2) Maria Theresia n. Smolé, vaiva Zapatowicz. Uffanza a Cuira. Entrada en l'Academia d'inschigners a Vienna 1840. Lt en las truppas da genia 1846. Carriera militara en l'armada k.u.k., engaschada en l'Italia en ils onns 1846-48 e 1859-63. Adjunct persunal da l'archiduca Leopold 1855-59. Campagnas militaras en Schleswig-Holstein (1864), a Graz (1865-66) ed a Trent (1867-71). Pres. dal comité tecnic ed administrativ da l'armada k.u.k. 1876-80. Constructur da la fortezza da Przemyśl (Galizia, oz Pologna), daventada famusa en l'Emprima Guerra mundiala. Gen. 1880-92, inspectur gen. da las truppas da genia. S. ha passentà la plipart da sia vita a Vienna. El aveva acquistà l'Altes Gebäu a Cuira, nua ch'el residiava da temp en temp. Ovras: Mein Leben und was ich davon erzählen will, kann und darf, 2 ts, 1908. Litteratura: BM, 1919, 324; Geneal. Salis, tav. 20/26. Adolf Collenberg  Salis, Daniel von (Soglio) Salis, Dietegen von (il Grond)  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: