Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Salis, Peter von (Soglio)Salis, Rodolphe von lemma sequent

Salis, Peter von (Soglio)
≈ 19-12-1729 a Cuira, † 24-10-1783 a Cuira, ref., da Cuira e Suogl. Figl dad Anton. Frar dad Anton e Baptista, quinà da Baptista. ∞ 1) Margaretha n. Massner, figlia da Daniel, speditur da Cuira, 2) Ursula von Ott, figlia da Jakob, bundslandamma, da Crusch. Chapit. en servetschs franzos. Promotur da la filandaria da mangola e da la tessaria gestiunadas tenor il sistem d'ediziun; directur da la filandaria da mangola da la chasa da spediziun S. domiciliada a Clavenna ed a Cuira. Tras la lètg cun sia emprima dunna, da la quala el era l'avugà, è S. vegnì en possess il 1760 da la chasa da banca e da spediziun Massner sco era da la regaglia da duana statala da la Republica. S. ha fusiunà las duas interpresas a la firma Salis-Massner. La pussanza da la fam., la buna administraziun e corrupziuns han permess a S. da mantegnair la fittanza da la duana visavi ils Baviers. La cumbinaziun da las entradas da dazi, dals affars commerzials e bancars e dal gudogn da la spediziun han fatg da S. il Grischun economicamain il pli pussant da la segunda mesadad dal 18. tschientaner.  


Litteratura:
Geneal. Salis, tav. 18/51, 19/1; Churer Stadtgeschichte 2, 32-38.

Jürg Simonett

lemma precedents Salis, Peter von (Soglio)Salis, Rodolphe von lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :