e-LIR / Lexicon
Assistenza e-LIR
Contact
Publicaziun
Sponsurs
|
Lexicon Istoric Retic (LIR)
A B C D E F G H I J K L M N O P Q R S T U V W X Y Z
Salis, Rudolf von (Zizers)
* 12-2-1654, † 11-12-1739 a Cuira, cat., da Zezras. Figl da Johannes, guvernatur, e da Constantia n. de Ferraris. Canoni da Cuira gia il 1664, dr. fil. al Collegium Romanum a Roma 1677, sextar catedral 1668, scholast catedral 1680, vicari gen. 1683-92, prevost catedral a Cuira 1690-1739, vicari da chapitel e candidat sco uvestg 1692 e 1728. Cura che ses bab ha retschavì il 1694 il titel da cont imperial, ha l'imp. Leopold I numnà S. avat commendatar da la S. Crusch a Muren (diocesa da Veszprem, Ungaria), ed il 1703 è el vegnì ordinà avat. Pervia da questa prelatura commendatara han ins contestà sia prepositura catedrala. A la catedrala da Cuira, nua ch'el è sepulì, ha el legà in benefizi fitg bain dotà ed in reliquiari cun l'ossa da s. Gliezi.
Litteratura:
C.M. Tuor, Reihenfolge der residierenden Domherren in Chur, en: JHGG, 1904, 23, 65; Geneal. Salis, tav. 17/28; HS I/1, 529, 543, 561.
Ursus Brunold
© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.
| |
|
Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail:
|
|
Salis, Rudolf von (Soglio)