e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Salvioni, Carlo Salzgeber, Peter  Salzgeber, Johannes * 22-6-1748 a Sievgia, † 2-7-1816 a Cuira, ref., da Sievgia. Figl da Jakob, scrivant da la LDD, e dad Anna n. Bärtschi, da Sievgia. Engaschà en il scriptori Malacrida a Clavenna 1764, nua ch'el ha fatg enconuschientscha cun il circul da commerziants grischuns. Suenter ses return a Sievgia (1767) scrivant a Sievgia, podestat a Buorm 1769-71, landamma dal cumin da Sievgia 1778-98. Administratur da la vischnanca da Sievgia e pur exemplaric, commerziant da sal, muvel e granezza, fabritgant da textilias e possessur dal Bogn Ganey (bogn termal), sco tal tipic represchentant dal "patriotissem economic". Comm. da la Societad economica e da la Societad dals amis da l'agricultura, publicist en ils organs da quellas, «Der Sammler» e «Der Neue Sammler». Ovras: Beschreibung der Gemeinde Seewis i. Brättigäu, [1805]. Litteratura: Erinnerungen des Landammanns Johann S. auf Seewis i. P. (1748-1816), edì da F. Pieth, 1902 (in'autobiogr. fragmentara, 1809); S. Niggli, Landammann Johann S. von Seewis (1748-1816), en: TG, 1992, nr 1, 53-55. Florian Hitz  Salvioni, Carlo Salzgeber, Peter  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: