Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Saratz [Sarraz]Sarazens lemma sequent

Saratz [Sarraz], Gian
* 28-6-1821 a Puntraschigna, † 25-8-1900 a Puntraschigna, ref., da Puntraschigna. Figl da Gian Pitschen, proprietari d'ina cafetaria ad Alençon (Normandia), e dad Anna n. S. ∞ 1845 Anna n. Jenny, figlia da Johann, proprietari da pastizarias a Varsovia e Wilna. Institut a Porta a Ftan, gimnasi a Cuira 1834-37, dus onns Institut Hüni a Horgen e studi da scienzas natiralas a Stuttgart e Paris. Directur da la fatschenta dals geniturs fin il 1851, alura return a Puntraschigna. Derschader cirq. e distr., deputà en il Cussegl grond 1855-57 e landamma dal cirq. Engiadin'Ota 1862-63. Sco scienzià da la natira ha el contribuì div. infurmaziuns per il «Tierleben der Alpenwelt» da Friedrich von Tschudi ed ha publitgà in register da tut ils utschels che vivan en Engiadina. Da giuven ha el accumpagnà il chatschader Gian Marchet Colani. Il 1873 han S. e ses figl cun il medem num construì l'Hotel Saratz a Puntraschigna.


Ovras:
Les oiseaux de la Haute-Engadine, en: Bulletin de la Société Ornithologique Suisse, 1879, nr 2, 125-46.

Litteratura:
Rauch, Homens prominents, 1951, 220-24; A. Caprez, S., 2004.

Dolf Kaiser

lemma precedents Saratz [Sarraz]Sarazens lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :