e-LIR / Lexicon Assistenza e-LIR Contact Publicaziuns Links Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Scharons Schauenstein  Schatzmann, Rudolf * 5-5-1822 a Saanen/BE, † 15-6-1886 a Losanna, ref., da Thun. Figl da Rudolf Friedrich, plevon, e da Maria Anna n. Flügel. ∞ Anna Margaritha n. Immer. Scolas a Berna, studi da teologia 1841-45 ed alura plevon en div. vischnancas dal chantun da Berna. Directur da la scola agricula a Kreuzlingen/TG 1865-69. Confundatur da l'Associaziun svizra d'economia alpestra 1863. Il 1869-72 ha S. introducì sco directur dal Seminari scolastic a Cuira l'instrucziun d'agricultura teoretica per seminarists. Directur da l'emprim institut da perscrutaziun dal latg a Thun 1872-75 e Losanna 1875-86. Propagatur da refurmas en l'economia alpestra ed en l'economia da latgiras, piunier sin il champ da l'instrucziun agricula professiunala offerta era als seminarists e futurs scolasts activs en ils vitgs purils. Ses curs da perfecziunament per magisters da scolas da furmaziun agricula supplementara, organisads per l'emprima giada a Frauenfeld il 1870, èn stads mussavias. Ovras: Über die Organisation und Führung landwirtschaftlicher Fortbildungsschulen, 1871; Alpwirtschaftliche Volksschriften, 2 ts, 1873-74. Litteratura: H. Wahlen, Rudolf S. 1822-1886, 1979 (cun bibliogr.). Hans-Ulrich Grunder  Scharons Schauenstein  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :