Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Schorsch, [von]Schucan lemma sequent

Schorta, Andrea
* 2-4-1905 a Zernez, † 12-12-1990 a Cuira, ref., da Zernez. Figl da Jon, pur e conductur, e da Chatrina n. Messmer, da Samedan. ∞ Berta n. Gantenbein, dr.fil. Seminari scolastic a Cuira 1921-25, studi da romanistica a Turitg, Paris e Siena, dr.fil 1926. Assistent, alura secretari da Robert von Planta 1924-30. Secretari da la Lia Rumantscha 1933-39. Per il «Rätisches Namenbuch» (2 ts, 1939-64) ha S. ramassà ils nums da lieus e cultiras sco era ils nums da fam. dal Grischun. A partir dal 1935 è el stà redactur ed a partir dal 1939 schefredactur dal «Dicziunari Rumantsch Grischun», in dals quatter dicziunaris naz. ch'el ha dirigì fin il 1975, faschond da l'anteriur "biro dal Dicziunari" in institut scientific renconuschì. Ens. cun Alfons Maissen ha S. edì il cudesch da chant vegl rum. «Die Lieder der Consolaziun dell'olma devoziusa» (1945). En ils onns 1965-69 è el stà responsabel per l'ediziun da las «Funtanas dal dret da l'Engiadina e da la Val Müstair» (2 ts) e dal 1980-85 per ils quatter toms da las «Funtanas dal dret dal chantun Grischun (statuts com., statuts dals cirquits e registers), cumparids en la retscha RQGR. El è s'engaschà per la perscrutaziun da la chasa purila en il Grischun ed ha redigì in grond dumber d'impurtantas publicaziuns davart la politica linguistica, l'istorgia da la lingua e la toponomastica. Pliras distincziuns, tr.a. il Premi grischun da cultura 1977 ed il dr.h.c. da las univ. da Berna (1964) e da Puntina (1990).


Ovras:
Erinnerungen an Fürstenau, en: BJb, 1987, 9-33; Wie der Berg zu seinem Namen kam, 1988.

Litteratura:
P. Scheuermeier, Widmung, en: Vox Romanica, 23/1964, 177-85 (cun bibliogr.); Vox Romanica, 49-50/1990-91, 740-47; Almanach der Österreichischen Akademie der Wissenschaften, 142/1991/92, 486 s. (cun bibliogr.); Annalas, 104/1991, 147-52; Chal. ladin, 1992, 107-13.

Alexi Decurtins

lemma precedents Schorsch, [von]Schucan lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :